138
شمالی نائیجیریا، بس اور ٹرک کے خوفناک تصادم کے نتیجے میں 26 بچے جان کی بازی ہار گئے۔
شمالی نائیجیریا کی ریاست کدونا میں بس اور ٹرک کے خوفناک تصادم میں 26 بچے جان کی بازی ہار گئے جبکہ درجنوں زخمی ہو گئے۔
روڈ سیفٹی ایجنسی ایف آر ایس سی کے مقامی دفتر کے سربراہ کبیرو نادابو کا کہنا ہے کہ حادثہ اس وقت پیش آیا جب تیز رفتاری کی وجہ سے ڈرائیور بس پر کنٹرول کھو بیٹھا اور بس ایک ٹرک سے ٹکرا گئی۔
کبیرو نادابو نے بتایا کہ بس جشن عید میلاد النبیﷺ کی تقریب میں بچوں کو لے کر جا رہی تھی، بچوں اور منتظمین سمیت 40 افراد زخمی بھی ہوئے ہیں، بس میں تقریبا 65 سے زائد بچے سوار تھے۔
روڈ سیفٹی ایجنسی ایف آر ایس سی کے مقامی دفتر کے سربراہ کا کہنا تھا کہ حادثے میں 15 بچے موقع پر جان کی بازی ہار گئے جبکہ 11 اسپتالوں میں دم توڑ گئے۔
