کراچی، امریکی قونصلیٹ کے عملے کی جانب سے امریکی خاتون کو وطن واپسی پر آمادہ کر لیا گیا۔
سوشل میڈیا پر پاکستانی نوجوان سے محبت کی کہانی کے پس منظر میں روشنیوں کے شہر کراچی آئی امریکی خاتون سے جناح اسپتال میں امریکی قونصلیٹ کے عملے نے ملاقات کی۔
ذرائع کی جانب سے تصدیق کی گئی ہے کہ جناح اسپتال کے اسپشل وارڈ میں زیر علاج امریکی خاتون اونیجا اینڈریو رابنسن کو وطن واپسی کے لیے آمادہ کر لیا گیا ہے اور امریکی قونصل خانے کی جانب سے خاتون کی ریٹرن ٹکٹ کا بندوبست کیا جا رہا ہے۔
اسپتال میں امریکی قونصلیٹ کے عملے کو جناح اسپتال کے میڈیکل بورڈ کے سربراہ پروفیسر چنی لال نے ایک گھنٹے تک مریضہ سے متعلق بریفنگ دی۔
ڈاکٹر کی جانب سے امریکی قونصلیٹ کے عملے کو بتایا گیا کہ مریضہ کی طبیعت پہلے سے کافی بہتر ہے، اسپتال داخلے کے وقت طبی ٹیسٹ کرانے پر مریضہ کا ہیموگلوبن صرف 4 تھا تاہم خون کے 3 پیک لگائے گئے تو اب مریضہ کا ہیمو گلوبن 9 ہوگیا ہے جب کہ نفسیاتی مرض بائی پولر ڈس آرڈر کو کنٹرول کرنے کے حوالے سے ان کی حرکات اور سکنات کو مسلسل مانیٹر کیا جا رہا ہے اور ادویات بھی دی جارہی ہیں۔
جناح اسپتال کے ترجمان جہانگیر درانی کے مطابق امریکی قونصلیٹ کے عملے کو مریضہ کو اب تک دی جانیوالی ادویات اور ٹیسٹوں کے حوالے سے تفصیلی بریفنگ دی گئی، مریضہ کے دیگر طبی مسائل پر بھی کسی حد تک بہتری آئی ہے۔
ترجمان کا بتانا ہے کہ امریکی خاتون کو میڈیکل بورڈ کی فٹنس کے بعد 11 فروری سے پہلے اسپتال سے ڈسچارج کردیا جائے گا۔
دوسری جانب سپریم کورٹ کے آئینی بینچ نے آفیشل سیکریٹ اور آرمی ایکٹ میں ترامیم سے متعلق بانی پی ٹی آئی عمران خان کی درخواست پر اعتراضات ختم کردیے۔
