اسلام آباد، نیب کی جانب سے نارووال اسپورٹس سٹی کمپلیکس ریفرنس 4 سال بعد بند کردیا گیا ہے۔
اسلام آباد کی احتساب عدالت کی جانب سے نارووال اسپورٹس سٹی کمپلیکس ریفرنس واپس لینے کی درخواست منظور کرلی گئی ہے۔
قومی احتساب بیورو(نیب) نے نارووال اسپورٹس سٹی کمپلیکس ریفرنس بند کرنے کی درخواست دائر کی تھی۔
عدالت کے معزز جج ناصر جاوید رانا کی جانب سے نیب کی درخواست منظور کی گئی ہے۔
وفاقی وزیر و رہنما مسلم لیگ (ن) احسن اقبال کو ہائی کورٹ پہلے ہی 2022 میں بری کر چکی ہے، سابق ڈی جی اسپورٹس بورڈ اختر نواز گنجیرا کے خلاف بھی ریفرنس ختم کردیا گیا ہے۔
نارووال اسپورٹس سٹی اسکینڈل میں نیب نے 23 دسمبر 2019 کو وفاقی وزیر احسن اقبال کو حراست میں لیا تھا۔
نیب نے 2020 میں نارووال اسپورٹس سٹی ریفرنس دائر کیا تھا، 2022 میں عدالت نے احسن اقبال کو بری کر دیا تھا۔
قومی احتساب بیورو نے ہائی کورٹ کا احسن اقبال کو بری کرنے کا حوالہ دیکر ریفرنس واپس لینے کی درخواست دائر کی تھی۔
