موٹروے پولیس کی بروقت کارروائی، 2 لاکھ 20 ہزار روپے مالیت کا گمشدہ سامان مالک کے حوالے

تازہ ترین خبروں اور تبصروں کیلئے ہمارا وٹس ایپ چینل جوائن کریں

موٹروے پولیس نے بروقت کارروائی کرتے ہوئے بس میں بھولا ہوا بیگ تلاش کرکے مسافر کو واپس کردیا، جس میں ڈیڑھ لاکھ روپے نقدی اور تقریباً 70 ہزار روپے مالیت کا موبائل فون موجود تھا۔ گمشدہ سامان کی مجموعی مالیت 2 لاکھ 20 ہزار روپے بتائی گئی ہے۔

latest urdu news

موٹروے پولیس کے ترجمان کے مطابق بہاولنگر سے ساہیوال جانے والا ایک مسافر دوران سفر اپنا بیگ بس میں بھول گیا تھا۔ بیگ میں نقد رقم اور موبائل فون موجود تھا۔

ہیلپ لائن پر اطلاع ملنے کے بعد کارروائی

ترجمان کے مطابق بیگ گم ہونے کا علم ہونے پر مسافر نے موٹروے پولیس کی ہیلپ لائن پر اطلاع دی، جس کے بعد پولیس نے فوری کارروائی شروع کردی۔

موٹروے پولیس نے متعلقہ بس کا سراغ لگایا اور مسافر کا گمشدہ بیگ برآمد کرلیا۔

چکوال: موٹروے پولیس کی ایمانداری کی مثال، 53 لاکھ روپے مسافر کو واپس کر دیے گئے

تصدیق کے بعد سامان مالک کے حوالے

ترجمان موٹروے پولیس کا کہنا ہے کہ ضروری تصدیق کے بعد بیگ میں موجود ڈیڑھ لاکھ روپے نقدی اور تقریباً 70 ہزار روپے مالیت کا موبائل فون بحفاظت اصل مالک کے حوالے کردیا گیا۔

موٹروے پولیس کے مطابق شہریوں کی مدد، مسافروں کے تحفظ اور عوام کی امانتوں کی حفاظت ادارے کی اولین ترجیحات میں شامل ہے۔

ماخذ: جیو نیوز کی رپورٹ

شیئر کریں:

ہمیں فالو کریں