پاکستان میں سونا مزید مہنگا، فی تولہ قیمت میں 3200 روپے کا اضافہ

پاکستان میں سونے کی قیمت میں ایک بار پھر اضافہ ہوگیا ہے۔ آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت 3,200 روپے بڑھنے کے بعد 4 لاکھ 32 ہزار 336 روپے ہوگئی ہے، جبکہ عالمی مارکیٹ میں بھی سونا مہنگا ہوا ہے۔

یہ بھی پڑھیں

ایسوسی ایشن کی جانب سے جاری کردہ اعداد و شمار کے مطابق مقامی صرافہ بازاروں میں 24 قیراط فی تولہ سونے کی قیمت میں 3,200 روپے کا اضافہ ریکارڈ کیا گیا، جس کے بعد نئی قیمت 432,336 روپے ہوگئی۔

اسی طرح 10 گرام سونے کی قیمت بھی 2,744 روپے بڑھ گئی ہے۔ اس اضافے کے بعد 10 گرام سونا 3 لاکھ 70 ہزار 658 روپے میں فروخت ہو رہا ہے۔

عالمی مارکیٹ میں بھی سونا مہنگا

عالمی بازار میں بھی سونے کی قیمت میں اضافہ دیکھا گیا ہے۔ آل پاکستان جیمز اینڈ جیولرز ایسوسی ایشن کے مطابق عالمی مارکیٹ میں فی اونس سونے کی قیمت 32 ڈالر بڑھ کر 4,098 ڈالر ہوگئی ہے۔

عالمی مارکیٹ میں قیمتوں میں اضافے کا اثر مقامی صرافہ بازاروں میں بھی دیکھا گیا، جہاں فی تولہ اور 10 گرام سونے کی قیمت میں اضافہ ریکارڈ کیا گیا۔

پاکستان میں سونے کی قیمت میں بڑا اضافہ، فی تولہ بھاؤ تقریباً 14 ہزار روپے بڑھ گیا