گوجرہ میں ٹریلر بے قابو ہو گیا جسکے نتیجے میں 4 خواتین جان کی بازی ہارگئیں اور 8 افراد زخمی ہو گئے۔
ریسکیو حکام کا کہنا ہے کہ گوجرہ میں جھنگ روڈ پر پل آدا کے قریب جھنگ سے گوجرہ جانے والا ٹریلر حادثے کا شکار ہوا، ٹریلر بے قابو ہوکر سڑک کنارے مہندی کے فنکشن میں جاگھسا۔
حادثے میں 7 سالہ بچی سمیت 4 خواتین جان کی بازی ہارگئیں اور 8 افراد زخمی ہو گئے، ریسکیو کی ٹیموں نے لاشوں اور زخمی خواتین کو تحصیل ہیڈ کوارٹر اسپتال منتقل کردیا۔
وزیر اعلیٰ پنجاب مریم نواز کی جانب سے واقعے پر افسوس کا اظہار کرتے ہوئے ڈرائیور کے خلاف فوری قانونی کارروائی کی ہدایت کی ہے۔
دوسری جانب فیصل آباد سے تعلق رکھنے والا 30 سالہ عمران ڈنگہ میں فائرنگ کے واقع میں جاں بحق ہو گیا۔
عینی شاہد کے مطابق عمران موٹر سائیکل پر سوار اپنی بیوی کو ملنے گاؤں تریڑاں جا رہا تھا کہ اسی دوران جھاڑی کے اندر چھپے ہوئے ایک لڑکے نے مقتول کو آنکھ کے پاس گولی مار دی اور وہ زخموں کی تاب نہ لاتے ہوئے موقع پر ہی جاں بحق ہو گیا۔
عینی شاہدین کے مطابق ملزم فائرنگ کرنے کے بعد فرار ہونے میں کامیاب ہو گیا، پولیس نے لاش کو تحویل میں لے کر پوسٹ مارٹم کے لیے اسپتال منتقل کر دیا ہے۔
