محکمہ موسمیات نے جڑواں شہروں سمیت ملک کے مختلف علاقوں میں آج مزید بارش کی پیشگوئی کی ہے۔
محکمہ موسمیات کےمطابق بارش برسانے والا مغربی ہواؤں کا سلسلہ بالائی علاقوں میں موجود ہے،جس کے باعث جڑواں شہروں سمیت ملک کے مختلف علاقوں میں آج مزید بارش کی پیشگوئی کی گئی ہے۔
محکمہ موسمیات نےراولپنڈی،اسلام آباد سمیت کئی شہروں میں موسلادھار بارش کے باعث اربن فلڈنگ کا خدشہ ظاہر کیا ہے،اس کے علاوہ مردان،صوابی، پشاور، گوجرانوالہ، گجرات، لاہور اور سیالکوٹ میں بھی اربن فلڈنگ کا خطرہ ہے۔
ملک میں طوفانی بارشیں، صوابی میں طغیانی، حادثات میں باپ بیٹی جاں بحق
محکمہ موسمیات کےمطابق خیبرپختونخوا،گلگت بلتستان، مری، گلیات اور کشمیر میں لینڈ سلائیڈنگ کا خدشہ ہے، جبکہ شہریوں کو محتاط رہنے کی ہدایت کی گئی ہے۔
راولپنڈی اور اسلام آباد میں وقفے وقفے سے کہیں تیز اور کہیں ہلکی بارش کا سلسلہ جاری ہے،جس سے گرمی کی شدت میں کمی آگئی۔
