پاکستانی یوٹیوبر جنید اکرم نے اپنی ازدواجی زندگی میں جاری اختلافات اور اہلیہ کے ساتھ تنازع پر پہلی بار کھل کر اظہارِ خیال کیا ہے۔
جنید اکرم نے انسٹاگرام اسٹوری میں دعویٰ کیا کہ ان کی اہلیہ گزشتہ کچھ عرصے سے انہیں اپنے چھ سالہ بیٹے سے ملاقات کی اجازت نہیں دے رہیں۔
یوٹیوبر کا کہنا تھا کہ وہ کبھی اپنے ذاتی معاملات کو سوشل میڈیا پر لانا نہیں چاہتے تھے اور نہ ہی اپنے بیٹے کو بڑوں کے تنازعات میں شامل کرنا چاہتے ہیں، تاہم اپنے بیٹے سے ملاقات کے لیے وہ ہر ممکن راستہ اختیار کریں گے۔
جنید اکرم نے بتایا کہ ان کی شادی کو 10 سال ہو چکے ہیں، لیکن موجودہ صورتحال اس مقام پر پہنچ چکی ہے جہاں انہیں عوامی سطح پر اپنا مؤقف پیش کرنے کے ساتھ ساتھ قانونی کارروائی کا راستہ بھی اختیار کرنا پڑ سکتا ہے۔
سلمان خان کی رہائشگاہ کے باہر تعینات پولیس اہلکار دل کا دورہ پڑنے سے چل بسا
انہوں نے اپنے مؤقف میں واضح کیا کہ ان کی بنیادی ترجیح اپنے بیٹے سے ملاقات اور اس کے ساتھ تعلق برقرار رکھنا ہے۔
دوسری جانب سوشل میڈیا صارفین نے اس معاملے پر مختلف آرا کا اظہار کیا ہے۔ بعض صارفین کا کہنا ہے کہ ایسے خاندانی معاملات کو نجی سطح پر حل کیا جانا چاہیے، جبکہ کچھ صارفین نے سوال اٹھایا ہے کہ معاملے کے دوسرے فریق کا مؤقف سامنے آنے کے بعد ہی مکمل صورتحال واضح ہو سکے گی۔
