وزیراعظم شہباز شریف آج شام دو روزہ سرکاری دورے پر سعودی عرب روانہ ہوں گے، جہاں وہ اعلیٰ سعودی قیادت سے اہم ملاقاتیں کریں گے۔
ذرائع کے مطابق دورے کے دوران وزیراعظم کی سعودی ولی عہد اور وزیراعظم شہزادہ محمد بن سلمان سے ملاقات طے ہے، جس میں دونوں ممالک کے باہمی تعلقات کو مزید مضبوط بنانے کے مختلف پہلوؤں پر تبادلہ خیال کیا جائے گا۔
ذرائع کا کہنا ہے کہ ملاقات میں پاکستان اور سعودی عرب کے درمیان اقتصادی، سیاسی اور دوطرفہ تعاون کے فروغ کے علاوہ خطے کی موجودہ صورتحال اور باہمی دلچسپی کے دیگر اہم امور بھی زیر بحث آئیں گے۔
وزیراعظم شہباز شریف تعزیت کے لیے قطر روانہ، نواز شریف بھی وفد میں شامل
امکان ظاہر کیا جا رہا ہے کہ اس ملاقات میں دونوں ممالک کے درمیان جاری تعاون کو مزید وسعت دینے اور مختلف شعبوں میں شراکت داری بڑھانے سے متعلق امور پر بھی گفتگو ہوگی۔
