اسلام آباد: پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری نے آزاد کشمیر کے عوام کے نام جاری اپنے ویڈیو پیغام میں کہا ہے کہ وہ کشمیری عوام کو وہی آئینی اور جمہوری حقوق دلانا چاہتے ہیں جو پاکستان کے ہر شہری کو حاصل ہیں۔
بلاول بھٹو زرداری نے اپنے پیغام میں کہا کہ آزاد کشمیر کے عوام کا سب سے بنیادی حق حقِ حاکمیت ہے، اور ان کی جماعت اس حق کے تحفظ اور عوام کی رائے کے احترام پر یقین رکھتی ہے۔
بلاول کے بیان پر خواجہ سعد رفیق کا طنز، ’’زنگ آلود تیر سے شیر کا شکار ممکن نہیں‘‘
انہوں نے کہا کہ پاکستان پیپلز پارٹی ہمیشہ عوامی اختیار، جمہوری اقدار اور آئینی حقوق کے فروغ کی حامی رہی ہے، اور آزاد کشمیر کے عوام کو بھی مساوی حقوق ملنے چاہییں۔
چیئرمین پیپلز پارٹی کا کہنا تھا کہ عوام کی رائے اور حقِ حاکمیت کا احترام ہی مضبوط جمہوری نظام کی بنیاد ہے۔
