فیفا ورلڈکپ 2026 میں تاریخی کامیابی حاصل کرنے والی اسپین کی ٹیم کو عالمی چیمپئن بننے کے ساتھ ہی تاریخ کی سب سے بڑی انعامی رقم بھی مل گئی۔ دفاعی چیمپئن ارجنٹینا کو فائنل میں شکست دینے کے بعد اسپین کو 5 کروڑ ڈالر کا انعام دیا گیا، جو ورلڈکپ کی تاریخ میں فاتح ٹیم کے لیے سب سے بڑا مالی اعزاز ہے۔
فیفا کے مطابق رنر اپ رہنے والی ارجنٹینا کی ٹیم کو 3 کروڑ 30 لاکھ ڈالر دیے گئے، جبکہ تیسری پوزیشن حاصل کرنے والی انگلینڈ کی ٹیم کے حصے میں 2 کروڑ 90 لاکھ ڈالر آئے۔ چوتھے نمبر پر آنے والی فرانس کی ٹیم کو 2 کروڑ 70 لاکھ ڈالر کی انعامی رقم فراہم کی گئی۔
رپورٹ کے مطابق ورلڈکپ 2026 کے دوران شریک ٹیموں میں مجموعی طور پر 65 کروڑ 50 لاکھ ڈالر تقسیم کیے گئے، جو 2022 کے قطر ورلڈکپ کے 44 کروڑ ڈالر کے پرائز پول کے مقابلے میں نمایاں طور پر زیادہ ہے۔
فیفا ورلڈکپ 2034 کی میزبانی سعودی عرب کو مل گئی
فٹبال ماہرین کا کہنا ہے کہ انعامی رقم میں اس بڑے اضافے کا مقصد عالمی سطح پر فٹبال کی ترقی، شریک ٹیموں کی مالی معاونت اور ٹورنامنٹ کی مسابقتی اہمیت کو مزید مضبوط بنانا ہے۔ اسپین کی تاریخی فتح کے ساتھ یہ ریکارڈ مالی انعام بھی ورلڈکپ 2026 کی نمایاں خصوصیات میں شمار کیا جا رہا ہے۔
