جہلم: ڈپٹی کمشنر جہلم Mir Raza Ozgan کی زیر صدارت ایک اعلیٰ سطحی اجلاس منعقد ہوا جس میں ضلع بھر میں جاری ترقیاتی منصوبوں، انتظامی امور اور عوامی سہولیات کی فراہمی سے متعلق پیش رفت کا تفصیلی جائزہ لیا گیا۔
اجلاس میں مختلف محکموں کے افسران نے شرکت کی اور اپنے اپنے شعبوں میں جاری سرگرمیوں، کارکردگی اور اہداف کے حصول سے متعلق بریفنگ دی۔ اجلاس کا مقصد حکومتی پالیسیوں پر عملدرآمد کو مؤثر بنانا اور سروس ڈیلیوری کے معیار کو بہتر کرنا تھا۔
اجلاس کے دوران شہر کی خوبصورتی بڑھانے کے لیے جاری بیوٹیفیکیشن سکیموں، کفایت شعاری اقدامات اور کلیدی کارکردگی اشاریوں (KPIs) کا جائزہ لیا گیا۔ اس کے ساتھ ساتھ پرائس کنٹرول مجسٹریٹس کی کارکردگی اور مارکیٹ میں اشیائے ضروریہ کی قیمتوں پر نگرانی کے نظام کا بھی تفصیلی جائزہ لیا گیا۔
مزید برآں اجلاس میں Suthra Punjab Agency جہلم کے صفائی آپریشنز، زیبرا کراسنگ کی بہتری، اور تجاوزات کے خلاف جاری کارروائیوں پر پیش رفت کا بھی جائزہ لیا گیا۔ حکام نے متعلقہ اداروں کو ہدایت کی کہ عوامی سہولیات میں بہتری کے لیے تمام اہداف مقررہ وقت کے اندر مکمل کیے جائیں۔
وزیر اعلیٰ کی “اوپن ڈور پالیسی”؛ جہلم میں ڈپٹی کمشنر میر رضا اوزگن کی کھلی کچہری
اجلاس میں صحت اور تعلیم کے شعبوں کی کارکردگی پر بھی غور کیا گیا اور افسران کو واضح ہدایات دی گئیں کہ ان دونوں بنیادی شعبوں میں بہتری لانے کے لیے عملی اور مؤثر اقدامات کیے جائیں تاکہ شہریوں کو بہتر سہولیات فراہم کی جا سکیں۔
