بھارت کی ریاست تامل ناڈو میں ہونے والے حالیہ انتخابات نے سیاسی منظرنامہ بدل کر رکھ دیا ہے، جہاں معروف اداکار Vijay کی جماعت Tamilaga Vettri Kazhagam غیر متوقع طور پر سب سے بڑی قوت بن کر سامنے آئی ہے۔ اس کامیابی نے دہائیوں سے غالب روایتی جماعتوں کو پیچھے چھوڑ دیا۔
انتخابی نتائج کے بعد اپنے پہلے بیان میں وجے نے عوامی فلاح اور باہمی تعاون کو حکومت کی ترجیح قرار دیا۔ انہوں نے بھارتی وزیر اعظم Narendra Modi اور اپوزیشن رہنما Rahul Gandhi کی جانب سے موصول ہونے والے تہنیتی پیغامات کا جواب دیتے ہوئے کہا کہ وہ ریاست کی خدمت اور ثقافتی اقدار کے تحفظ کے لیے پرعزم ہیں۔
یہ کامیابی اس لحاظ سے بھی تاریخی ہے کہ جون 1977 کے بعد پہلی بار تامل ناڈو میں Dravida Munnetra Kazhagam اور All India Anna Dravida Munnetra Kazhagam کے اثر و رسوخ سے ہٹ کر حکومت قائم ہونے جا رہی ہے۔ وجے کی جیت نے اس تاثر کو بھی غلط ثابت کیا کہ فلمی شخصیات سیاست میں کامیاب نہیں ہو سکتیں۔
بھارت کی سیاسی ریلی میں بھگدڑ، 40 افراد جاں بحق، 124 زخمی
اس سے قبل بھی بھارت میں اداکار سیاست میں کامیابی حاصل کر چکے ہیں، جن میں N. T. Rama Rao، M. G. Ramachandran اور J. Jayalalithaa شامل ہیں، اور اب وجے بھی اسی صف میں شامل ہو گئے ہیں۔
وجے نے اپنی انتخابی مہم کے دوران کسی بھی بڑی قومی یا علاقائی جماعت سے اتحاد نہیں کیا، جو ان کی حکمت عملی کا اہم حصہ تھا۔ توقع کی جا رہی ہے کہ ممکنہ طور پر وزارتِ اعلیٰ سنبھالنے کے بعد وہ فلمی سرگرمیوں سے کچھ فاصلے اختیار کریں گے، جبکہ ان کی فلم Jana Nayagan تاحال سنسر منظوری کی منتظر ہے۔
