6
جہلم: منشیات کے مقدمات میں مطلوب ملزمان کی گرفتاری کے لیے سی سی ڈی نے دو مختلف مقامات پر کارروائیاں کرتے ہوئے دو ملزمان کو زخمی حالت میں گرفتار کر لیا۔
ترجمان کے مطابق کارروائی کے دوران ملزم ذیشان ندیم ولد ندیم بابر سکنہ شمالی محلہ نے گرفتاری سے بچنے کے لیے پیراغیب کے مقام پر دریائے جہلم میں چھلانگ لگا دی جبکہ دوسرے ملزم اویس بن شاہد سکنہ سید حسین دینہ نے ملوٹ پل سے چھلانگ لگا کر فرار ہونے کی کوشش کی۔
پولیس نے فوری کارروائی کرتے ہوئے دونوں ملزمان کو زخمی حالت میں گرفتار کر لیا۔ ترجمان کے مطابق ملزمان کے قبضے سے بھاری مقدار میں آئس بھی برآمد کی گئی ہے۔
زخمی ملزمان کو طبی امداد کے لیے ڈسٹرکٹ ہیڈ کوارٹر ہسپتال جہلم منتقل کر دیا گیا ہے جبکہ مزید تفتیش جاری ہے۔
