معروف گلوکار و اداکار Ali Zafar نے عید کے موقع پر اپنے لباس پر ہونے والی تنقید کے بعد سوشل میڈیا پر دلچسپ انداز میں قوم سے معافی مانگ لی۔
علی ظفر نے اپنے پیغام میں مزاحیہ انداز اپناتے ہوئے کہا کہ وہ قوم سے معذرت کرتے ہیں کہ انہوں نے بغیر بنیان کے کرتا پہنا اور عید کے دن اجرک اور دھوتی میں پودوں کو پانی دیا۔ ان کا کہنا تھا کہ وہ آئندہ ایسی “سنگین غلطی” دوبارہ نہ دہرانے کی کوشش کریں گے۔
انہوں نے مزید کہا کہ وہ سمجھتے ہیں کہ یہ ایک نہایت اہم قومی و عالمی مسئلہ بن گیا ہے، اور اس پر توجہ دلانے کے لیے سب کا شکریہ ادا کرتے ہیں۔ ان کے اس طنزیہ بیان کو سوشل میڈیا صارفین کی جانب سے ملا جلا ردعمل ملا۔
گلوکار علی ظفر نے نیا نعتیہ کلام ‘سوہنا نبی’ جاری کر دیا
واضح رہے کہ علی ظفر نے عید پر ایک ویڈیو شیئر کی تھی جس میں وہ گلابی اور پیچ رنگ کی قمیض کے ساتھ دھوتی پہنے پودوں کو پانی دیتے نظر آئے۔ ان کے اس منفرد انداز پر کچھ صارفین نے تنقید کی، جبکہ بعض نے اسے تخلیقی اور مختلف انداز قرار دیا۔
