امریکی صدر ڈونلڈ ٹرمپ نے کہا ہے کہ امریکی بحریہ جلد آبنائے ہرمز سے گزرنے والے تیل بردار جہازوں کو سکیورٹی فراہم کرنا شروع کرے گی۔ ان کا کہنا تھا کہ اس اقدام کا مقصد خطے میں جہاز رانی کو محفوظ بنانا ہے۔
بی بی سی فارسی کے مطابق صدر ٹرمپ نے صحافیوں سے گفتگو کرتے ہوئے بتایا کہ امریکی بحریہ اس اہم سمندری گزرگاہ سے گزرنے والے آئل ٹینکرز کی حفاظت کی ذمہ داری سنبھالے گی۔ تاہم انہوں نے اس منصوبے کے آغاز کی حتمی تاریخ یا طریقہ کار کے بارے میں مزید تفصیلات نہیں بتائیں۔
شپنگ کمپنیوں کی درخواستوں کے باوجود امریکا نے آبنائے ہرمز میں جہازوں کو سکیورٹی دینے سے انکار کر دیا
صدر ٹرمپ نے ایران سے متعلق جاری کشیدگی پر بات کرتے ہوئے کہا کہ ایران کے ساتھ ممکنہ جنگ کی صورت میں امریکہ اور اسرائیل کے اہداف مکمل طور پر ایک جیسے نہیں بھی ہو سکتے، بلکہ بعض معاملات میں دونوں ممالک کی ترجیحات مختلف ہو سکتی ہیں۔
