امریکی وزیر خارجہ مارکو روبیو نے کہا ہے کہ ایران کا موجودہ مذہبی حکومتی نظام نہ صرف خطے بلکہ پوری دنیا کے لیے ایک بڑا خطرہ ہے۔ ان کے مطابق ایرانی حکومت ریاستی وسائل کو دہشت گردانہ کارروائیوں میں استعمال کر رہی ہے۔
مارکو روبیو کے بیان کے مطابق امریکی حملے ایران کے میزائل پروگرام اور فوجی صلاحیت کو محدود کرنے کے لیے کیے جا رہے ہیں تاکہ عالمی سطح پر ایران کی خطرناک صلاحیتوں کو ختم کیا جا سکے۔ انہوں نے کہا، "ہم بزور طاقت اس مقصد کو حاصل کرنے کی راہ پر گامزن ہیں۔”
ٹرمپ کا ایران کے نئے رہبر اعلیٰ مجتبیٰ خامنہ ای پر فوری ردعمل دینے سے گریز
روبیو نے مزید کہا کہ ایران اپنے پڑوسی ممالک پر حملے کر رہا ہے، توانائی کے اہم مقامات اور شہری آبادی کو نشانہ بنا رہا ہے، اور سفارتخانوں پر بھی حملے کر رہا ہے۔ ان کے مطابق ایران کی یہ کارروائیاں دنیا کو یرغمال بنانے کی کوشش کے مترادف ہیں۔
