تائیوان میں 5.6 شدت کا زلزلہ ریکارڈ کیا گیا ہے، جس کے جھٹکے دارالحکومت تائی پے اور ییلان کی ساحلی پٹی میں محسوس کیے گئے۔
تائیوان کے محکمہ موسمیات کے مطابق زلزلے کی گہرائی 66.8 کلومیٹر زیر زمین تھی اور یہ مشرقی تائیوان کے ساحل پر رات 12 بجکر 37 منٹ پر ریکارڈ کیا گیا۔ ابتدائی اطلاعات کے مطابق زلزلے سے فوری طور پر کسی جانی یا مالی نقصان کی اطلاع موصول نہیں ہوئی ہے۔
سینٹرل ویدر ایڈمنسٹریشن نے عوام سے اپیل کی ہے کہ وہ گھروں اور عمارتوں میں محتاط رہیں اور زلزلے کے بعد ممکنہ جھٹکوں کے لیے تیار رہیں۔ محکمہ موسمیات نے مزید کہا کہ شہری اپنے موبائل فونز اور ریڈیو کے ذریعے کسی بھی ہنگامی اطلاع سے باخبر رہیں۔
جاپان میں 6.2 شدت کا زلزلہ، بلٹ ٹرین سروس معطل
یہ زلزلہ تائیوان کے مشرقی ساحلی علاقے میں ریکارڈ ہونے والے حالیہ زمینی حرکتوں کا حصہ ہے، جہاں زیر زمین فعال دھنساؤ کے خطے کی وجہ سے اکثر چھوٹے اور درمیانے درجے کے زلزلے آتے رہتے ہیں۔ حکام نے کہا ہے کہ وہ زلزلے کے بعد متاثرہ علاقوں کا معائنہ کر رہے ہیں تاکہ کسی بھی قسم کے نقصان یا خطرے کی فوری اطلاع دی جا سکے۔
