پاکستان کی سینئر اداکارہ عابدہ بیگ نے وزیر اعلیٰ پنجاب مریم نواز سے مالی اور رہائشی مدد کی اپیل کی ہے۔ حال ہی میں ان کا ایک ویڈیو کلپ سوشل میڈیا پر وائرل ہوا ہے، جس میں وہ آبدیدہ نظر آئیں۔
ویڈیو میں عابدہ بیگ نے کہا کہ انہوں نے 35 سال فن کی خدمت کی اور ان کے مرحوم شوہر مرزا رشید اختر نے بھی 40 سال انڈسٹری کو دیے۔ انہوں نے بتایا کہ مشکل حالات میں بھی وہ کام پر حاضر رہیں اور زندگی کی مشکلات کے باوجود فن کا فریضہ نبھاتے رہے۔
اداکارہ نے بتایا کہ اس وقت وہ شدید مالی مشکلات میں ہیں، ان کے گھر کی چھت چھن گئی ہے اور کرائے کے لیے اتنے وسائل نہیں کہ گھر میں رہ سکیں۔ انہوں نے اس صورتحال کو ظلم قرار دیا اور کہا کہ انہیں سخت دکھ اور مشکلات کا سامنا ہے۔
اداکارہ میرا نفسیاتی علاج کے لیے اسپتال میں داخل
عابدہ بیگ نے وزیر اعلیٰ پنجاب سے درخواست کی کہ وہ ان کے گھر کی بحالی میں مدد کریں اور انہیں ایک محفوظ رہائش فراہم کی جائے تاکہ وہ اپنے باقی ماندہ دن سکون کے ساتھ گزار سکیں۔
یہ اپیل پاکستان کی فنکار برادری کے لیے بھی تشویش کا باعث بنی ہے، جہاں متعدد سینئر فنکار مالی اور رہائشی مشکلات کا سامنا کر رہے ہیں۔
