پاکستان کے معروف یوٹیوبر ڈکی بھائی نے یوٹیوب پر ایک کروڑ سبسکرائبرز حاصل کر کے نیا ریکارڈ قائم کر دیا۔
ڈکی بھائی اپنی منفرد روسٹنگ ویڈیوز اور فیملی ولاگز کی وجہ سے مداحوں میں مقبول ہیں، اور ان کے مداحوں نے اس کامیابی پر انہیں زبردست مبارکباد دی ہے۔
کامیابی کا جشن مناتے ہوئے ڈکی بھائی نے تین گھنٹے لائیو اسٹریم کیا اور کہا کہ "میرے لیے سبسکرائبرز صرف ایک عدد نہیں بلکہ ایک بڑی کمیونٹی ہے جس نے ہر مشکل مرحلے میں میرا ساتھ دیا ہے۔”
گزشتہ سال انہیں گرفتاری اور تین ماہ جیل میں قیام کا سامنا بھی کرنا پڑا، جس میں ایف آئی اے نے جوا اور ایپس کی تشہیر کے الزامات کے تحت حراست میں لیا تھا۔ اس کے بعد مداحوں اور شوبز شخصیات نے ان کی واپسی پر بھرپور حمایت کا اظہار کیا۔
ڈکی بھائی اور دیگر ملزمان پر فردِ جرم عائد کرنے کی تاریخ مقرر
ڈیجیٹل میٹرکس کے مطابق، ڈکی بھائی کے یوٹیوب چینل کی مجموعی ویوز کروڑوں تک پہنچ چکی ہیں، اور وہ پاکستان کے ٹاپ یوٹیوبرز میں شامل ہیں، جن کی ویڈیوز لاکھوں بار دیکھی جاتی ہیں۔
مداح سوشل میڈیا پر بھی انہیں مبارکباد دے رہے ہیں، اور یہ کامیابی ڈیجیٹل کنٹینٹ کریشن کی اہمیت اور نوجوانوں کے لیے مواقع کا ثبوت ہے۔
