ڈسٹرکٹ پولیس جہلم نے پتنگ بازی کے خلاف جاری کریک ڈاؤن کے دوران اہم کارروائی کرتے ہوئے غیر قانونی طور پر پتنگیں اور خونی ڈور قبضے میں رکھنے والے ملزم کو گرفتار کر لیا۔
پولیس کے مطابق ایس ایچ او تھانہ سٹی کی زیرِ نگرانی کارروائی عمل میں لائی گئی، جس کے دوران ملزم کے قبضے سے 42 عدد پتنگیں اور خونی ڈور برآمد کی گئی۔
حکومتِ پنجاب کی جانب سے پتنگ بازی اور پتنگ فروشی پر پابندی عائد ہے، اس کے باوجود ملزم نے پتنگیں اپنے پاس رکھ کر قانون کی خلاف ورزی کی۔
ملزم کے خلاف تھانہ سٹی میں مقدمہ درج کر لیا گیا ہے اور مزید تفتیش جاری ہے۔
جہلم پولیس کا ضلع بھر میں سپیشل سرچ آپریشن، 190 گھروں اور 380 افراد کی چیکنگ
ڈسٹرکٹ پولیس آفیسر جہلم طارق عزیز سندھو نے کہا ہے کہ پتنگ فروشی، پتنگ بازی کرنے اور شہریوں کو نقصان پہنچانے والوں کے خلاف بلا امتیاز سخت کارروائی کی جائے گی اور ایسے عناصر کو آہنی ہاتھوں سے نمٹا جائے گا۔
انہوں نے مزید کہا کہ عوام کے جان و مال کے تحفظ کیلئے پتنگ بازی کے خلاف کریک ڈاؤن جاری رہے گا۔
