وینزویلا کی اپوزیشن رہنما ماریا کورینا ماچادو نے اپنے نوبیل امن انعام کو امریکی صدر ڈونلڈ ٹرمپ کو پیش کر دیا۔
ماریا کورینا ماچادو نے وائٹ ہاؤس میں ٹرمپ سے ملاقات کے بعد میڈیا سے گفتگو کرتے ہوئے کہا کہ "میں نے ہماری آزادی کے ساتھ منفرد وابستگی کے اعتراف میں اپنا میڈل اور نوبیل انعام امریکی صدر کو پیش کیا ہے۔” انہوں نے مزید کہا کہ یہ وینزویلا کے لیے ایک تاریخی دن ہے اور ہم امریکی صدر پر اعتماد کر سکتے ہیں۔
امریکی صدر ڈونلڈ ٹرمپ نے اس اقدام کو باہمی احترام کا شاندار اشارہ قرار دیتے ہوئے کہا کہ ماریا کورینا ماچادو سے ملاقات ایک عظیم اعزاز ہے اور وہ ایک حیرت انگیز خاتون ہیں۔
صدر ڈونلڈ ٹرمپ 7 سالہ بچے کی غیر معمولی ذہانت سے متاثر، صدارتی میڈل سے نواز دیا
واضح رہے کہ نوبیل انسٹی ٹیوٹ نے پہلے ہی وضاحت کی تھی کہ ایک بار نوبیل انعام کا اعلان ہو جانے کے بعد نہ تو اسے منسوخ کیا جا سکتا ہے، نہ کسی کے ساتھ شیئر کیا جا سکتا ہے، اور نہ ہی کسی دوسرے کو منتقل کیا جا سکتا ہے۔ تاہم وائٹ ہاؤس کے حکام نے تصدیق کی ہے کہ ڈونلڈ ٹرمپ نوبیل امن انعام اپنے پاس رکھ رہے ہیں۔
