کوئٹہ، وزیراعظم پاکستان شہباز شریف کا کہنا ہے کہ اجتماعی کوششوں سے بلوچستان میں دہشتگردی کا مکمل خاتمہ کیا جائے گا۔
بلوچستان کے دارالحکومت کوئٹہ میں صوبائی ایپکس کمیٹی اجلاس میں اظہار خیال کے دوران وزیراعظم شہباز شریف کا یہ کہنا تھا کہ بلوچستان میں 26 اگست کو انتہائی افسوناک واقعہ پیش آیا، دہشتگردی کے افسوناک واقعات میں معصوم جانوں کے نقصان پر سب غم زدہ ہیں۔
وزیراعظم شہباز شریف کا کہنا تھا کہ بلوچستان پاکستان کا خوبصورت صوبہ ہے، انفرادی قوت کے ساتھ بلوچستان میں دہشتگردی کا مکمل خاتمہ کرنا ہے، بلوچستان کی ترقی و خوشحالی کی راہ میں حائل تمام رکاوٹوں کو دور کریں گے۔
شہباز شریف کا یہ کہنا تھا کہ خارجیوں اور دہشتگردوں نے ملکر بلوچستان میں دہشت گردی کا منصوبہ بنایا، بدقسمتی سے دہشت گردی نے 2018 کے بعد دوبارہ سر اٹھایا ہے، جسے پوری طاقت کیساتھ نمٹا جائے گا۔
وزیراعظم پاکستان کا یہ کہنا تھا کہ آرمی چیف کی لیڈر شپ میں دہشت گردی کو ختم کریں گے، پاکستان دوبارہ اپنا مقام حاصل کرے گا۔
شہباز شریف کا یہ کہنا تھا کہ واقعات میں شہید ہونے والے پاک فوج کے جوانوں اور افسروں کی قربانیوں کو رائیگاں نہیں جانے دیا جائے گا، پوری قوت کیساتھ دہشتگردی کو نمٹا جائے گا۔
