3
بھارت کرکٹ ٹیم کے فاسٹ بالر محمد سراج نے ائیر انڈیا پر شدید تنقید کی ہے اور لوگوں کو اس ایئر لائن میں سفر نہ کرنے کا مشورہ دیا ہے۔
محمد سراج کے مطابق ائیر انڈیا کی پرواز IX 2884، جو گوہاٹی سے حیدرآباد کے لیے صبح 7:25 بجے روانہ ہونی تھی، بغیر کسی پیشگی اطلاع کے مسلسل تاخیر کا شکار رہی۔
انہوں نے بتایا کہ بار بار پوچھنے کے باوجود ایئر لائن کی جانب سے تاخیر کی کوئی واضح وجہ نہیں بتائی گئی، اور چار گھنٹے گزر جانے کے باوجود نہ کوئی اپ ڈیٹ دی گئی اور نہ ہی متبادل انتظام کیا گیا۔
سراج نے کہا کہ اس تاخیر کی وجہ سے درجنوں مسافر ایئر پورٹ پر شدید مشکلات سے دوچار ہوئے اور انہوں نے اپنے ائیر انڈیا کے تجربے کو انتہائی مایوس کن قرار دیا۔ انہوں نے واضح کیا کہ وہ کسی کو بھی یہ پرواز لینے کا مشورہ نہیں دیں گے۔
محمد سراج کی پوسٹ کے بعد سوشل میڈیا صارفین نے بھی ائیر انڈیا کو شدید تنقید کا نشانہ بنایا۔
