5
جنوبی افریقہ کے کپتان ٹیمبا باووما نے ٹیسٹ کرکٹ میں ایک تاریخی کارنامہ انجام دیتے ہوئے ناقابلِ شکست کپتانی کا نیا ریکارڈ قائم کر دیا ہے۔
بدھ کو جنوبی افریقہ نے گوہاٹی ٹیسٹ میں بھارت کو 408 رنز کے بھاری مارجن سے شکست دے کر سیریز میں 0-2 سے کلین سوئپ مکمل کر لیا۔ بھارتی ٹیم کو دوسری اننگز میں 549 رنز کا ہدف ملا، مگر وہ صرف 140 رنز پر ڈھیر ہو گئی۔اس فتح کے ساتھ جنوبی افریقہ نے 25 سال بعد بھارتی سرزمین پر ٹیسٹ سیریز جیتنے کا اعزاز حاصل کیا۔
ٹیمبا باووما نے بطور کپتان 12 ٹیسٹ میچوں میں 11 فتوحات حاصل کیں جبکہ ایک میچ ڈرا ہوا، اور اب تک کسی ٹیم نے جنوبی افریقہ کو ان کے زیر قیادت ٹیسٹ میچ میں شکست نہیں دی۔ اس سے قبل یہ ریکارڈ انگلینڈ کے سابق کپتان مائیک بریرلی کے پاس تھا، جنہوں نے 15 میچوں میں 10 فتوحات حاصل کی تھیں بغیر کسی شکست کے۔
باووما کی قیادت میں جنوبی افریقہ نے نہ صرف مسلسل فتح کا سلسلہ جاری رکھا بلکہ رواں سال ورلڈ ٹیسٹ چیمپئن شپ جیتنے کا بھی اعزاز حاصل کیا۔
