11
مولانا فضل الرحمٰن بنگلادیش کے دورے پر روانہ، عالمی تحفظ ختم نبوت کانفرنس میں مہمان خصوصی ہوں گے
جمعیت علمائے اسلام (ف) کے سربراہ مولانا فضل الرحمٰن بنگلادیش کے دورے پر روانہ ہوگئے، جہاں وہ مختلف مذہبی اور اصلاحی اجتماعات سے خطاب کریں گے۔
ترجمان جے یو آئی اسلم غوری کے مطابق مولانا فضل الرحمٰن عالمی تحفظ ختم نبوت کانفرنس میں بطور مہمان خصوصی شریک ہوں گے، جب کہ وہ بنگلادیش کے مختلف شہروں میں مدارس کے سالانہ اجتماعات میں بھی شرکت کریں گے۔
ترجمان نے بتایا کہ مولانا فضل الرحمٰن کے اعزاز میں ڈھاکا، سلہٹ اور دیگر شہروں میں خصوصی تقریبات منعقد کی جائیں گی۔
جے یو آئی کے وفد میں مولانا عبدالغفور حیدری، مولانا اسعد محمود، مولانا سعید یوسف، مفتی ابرار احمد اور دیگر رہنما بھی شامل ہیں جو اس دورے میں ان کے ہمراہ ہیں۔
