159
پاکستان کرکٹ ٹیم کے سابق کپتان محمد یوسف نے لاہور میں اپنا ریسٹورنٹ کھول لیا ہے۔
سابق کرکٹر محمد یوسف پاکستان کرکٹ بورڈ کی ذمہ داریوں کے ساتھ فاسٹ فوڈ بزنس سے بھی منسلک ہوگئے ہیں، معروف اسکالر مولانا طارق جمیل کی جانب سے فیتہ کاٹ کر ریسٹورنٹ کا افتتاح کیا گیا۔
لاہور کے علاقے ڈیفنس میں سابق کپتان محمد یوسف کے ریسٹورنٹ کے افتتاحی تقریب میں مولانا طارق جمیل نے فیتہ کاٹا اور دعا کروائی، افتتاحی تقریب میں سابق کرکٹرز وقار یونس، سلمان بٹ، وہاب ریاض اور عبدالرزاق بھی شریک ہوئے۔
افتتاحی تقریب کے موقع پر گفتگو کرتے ہوئے سابق کپتان محمد یوسف کا یہ کہنا تھا کہ ساری زندگی کرکٹ کھیلی اور اب کوچنگ اور سلیکشن کے ساتھ منسلک ہوں، بزنس یا اسکے متعلقہ مجھے کام آتا نہیں ہے۔
سابق کرکٹر کا مزید یہ کہنا تھا کہ شیف میرے گھر کا ہے جو میرے بھائی کا بیٹا ہے، اس لیے میں نے یہ رسک لیا جبکہ میرے بیٹے اور داماد کام کو دیکھیں گے۔
