6
کراچی: پاکستانی شوبز انڈسٹری کی اُبھرتی ہوئی اداکارہ فجر شیخ شادی کے بندھن میں بندھ گئیں۔
30 سالہ فجر شیخ، جنہوں نے اپنے کیریئر کا آغاز تھیٹر سے کیا، نے انسٹاگرام پر اپنی شادی کی تصاویر اور ویڈیوز شیئر کرتے ہوئے مداحوں کو یہ خوشخبری دی۔
شادی کی تقریب میں فجر شیخ نے گہرے سرخ عروسی لباس کا انتخاب کیا اور دلہے نے روایتی سیاہ شیروانی زیب تن کی۔ دلکش جوڑے کی تصاویر سوشل میڈیا پر تیزی سے وائرل ہو رہی ہیں، جہاں مداح اور شوبز شخصیات انہیں مبارکباد دے رہے ہیں۔
اداکارہ کا تعلق کراچی سے ہے اور انہوں نے یہ خوشی اپنے قریبی دوستوں اور اہلِ خانہ کے ساتھ منائی۔
View this post on Instagram
واضح رہے کہ فجر شیخ نے 2022 میں ڈرامہ سیریل "بیٹیاں” سے ڈیبیو کیا جبکہ بعد ازاں "قرضِ جاں” اور ہارر فلم "دیمک” میں اپنی اداکاری سے ناظرین کی داد سمیٹی۔
