156
ایشیا کپ کرکٹ ٹورنامنٹ کے فائنل سے قبل بھارتی نجومی گرین اسٹون لوبو نے پیشگوئی کی ہے کہ فیصلہ کن معرکے میں کامیابی کا امکان پاکستان کے حق میں زیادہ ہے۔
نجومی کے مطابق پاکستانی کپتان سلمان علی آغا کے ستارے اس وقت انتہائی طاقتور ہیں، جو ان کے لیے خوش قسمتی کا باعث بن سکتے ہیں۔ اس کے برعکس بھارتی کپتان سوریا کمار یادیو کے ستارے کمزور دکھائی دے رہے ہیں، جس سے ان کے امکانات نسبتاً گھٹ سکتے ہیں۔
گرین اسٹون لوبو نے کہا کہ "اعداد و شمار اور ستاروں کی پوزیشن کو دیکھتے ہوئے پاکستان ٹیم کی جیت کے امکانات بھارت کے مقابلے میں زیادہ ہیں۔”
واضح رہے کہ پاکستان اور بھارت ایشیا کپ کی 41 سالہ تاریخ میں آج پہلی بار فائنل میں آمنے سامنے آئیں گے، جس کا شدت سے انتظار کیا جا رہا ہے۔
