آرمی چیف جنرل عاصم منیر کا کہنا ہے کہ پاکستان کا مستقبل محفوظ ہاتھوں میں ہے اور جو لوگ پاکستان کے ڈیفالٹ کا بیانیہ بنا رہے تھے، وہ آج کہاں ہیں؟
نوجوانوں سے خطاب کے دوران آرمی چیف کا یہ کہنا تھا کہ عوام، حکومت اور فوج کے درمیان مضبوط رشتہ ہی پاکستان کی ترقی و خوشحالی کا ضامن ہے، اسٹیٹ کی ذمہ داری ہے عوام کو سوشل میڈیا دہشتگردی سے دور رکھے۔
آرمی چیف کا کہنا تھا کہ پاکستان کا مستقبل اب محفوظ ہاتھوں میں ہے جو پاکستان کے ڈیفالٹ کا بیانیہ بنا رہے تھے، آج وہ لوگ کہاں کھڑے ہیں۔
جنرل عاصم منیر کا یہ کہنا تھا کہ آزاد ریاست کی اہمیت جاننی ہے تو لیبیا، شام، کشمیر اور غزہ کے عوام سے پوچھو، بحیثیت مسلمان ہمیں مایوسی سے منع کیا گیا ہے، پاکستان کا سب سے قیمتی سرمایہ اسکے نوجوان ہیں، ہم کسی بھی صورت میں پاکستان کا قیمتی سرمایہ ضائع نہیں ہونے دیں گے۔
جنرل عاصم منیر کا یہ کہنا تھا کہ میرا ایمان ہے اللّٰہ رب العزت ہمیں دہشت گردی کے خلاف فتح عطا کریں گے، کے پی کی عوام 22 سال سے فوج کے ساتھ دہشت گردی کے خلاف کھڑے ہیں، قبائل مل کر تنازعات ختم کرنے میں مدد دیں۔
