اقوام متحدہ کی جنرل اسمبلی کے 80ویں اجلاس کی سائیڈ لائن پر وزیراعظم شہباز شریف اور بل گیٹس فاؤنڈیشن کے بانی بل گیٹس کے درمیان خوشگوار ملاقات ہوئی۔
وزیر اعظم آفس کے جاری کردہ بیان کے مطابق ملاقات میں 2022 اور حالیہ 2025 کے سیلاب کے دوران بل گیٹس فاؤنڈیشن کی امدادی کوششوں کو سراہا گیا۔
وزیراعظم شہباز شریف نے پاکستان میں پولیو کے خاتمے، قوت مدافعت اور غذائی معیار میں بہتری کے لیے بل گیٹس فاؤنڈیشن کے تعاون کا شکریہ ادا کیا اور خاص طور پر پولیو کے مکمل خاتمے کے لیے ان کی مسلسل مدد پر زور دیا۔ انہوں نے حکومت کی طرف سے کی جانے والی معاشی اصلاحات اور معیشت کی ڈیجیٹلائزیشن میں فاؤنڈیشن کے مثبت کردار کو بھی سراہا۔
صدر ٹرمپ اور وزیرِاعظم شہباز شریف کی آج اہم ملاقات، وائٹ ہاؤس کی تصدیق
دونوں رہنماؤں نے صحت، غذائی معیار، معاشی شمولیت اور معیشت کی ڈیجیٹلائزیشن جیسے اہم شعبوں میں مشترکہ تعاون کو جاری رکھنے کے عزم کا اعادہ کیا۔ یہ ملاقات پاکستان کی ترقی اور عالمی شراکت داری کے فروغ میں اہم قدم قرار دی گئی ہے۔
