12
راولپنڈی کے علاقے گوجرخان جی ٹی روڈ پر سرور شہید کالج کے قریب کار اور ٹرک میں خوفناک تصادم کے نتیجے میں میاں بیوی سمیت ایک ہی خاندان کے 3 افراد جاں بحق اور 3 بچے زخمی ہوگئے۔
تفصیلات کے مطابق عمران رضا اپنے اہل خانہ کے ہمراہ عزیزہ کی تیمارداری کے بعد رامہ گاؤں، چکوال روڈ جا رہے تھے کہ ان کی گاڑی ٹرک سے ٹکرا گئی۔
حادثے کے بعد گاڑی میں سوار 6 افراد میں سے 5 شدید زخمی اور ایک معمولی زخمی ہوا۔ ریسکیو 1122 اہلکاروں نے فوری طور پر زخمیوں کو ابتدائی طبی امداد دے کر اسپتال منتقل کیا۔
اسپتال میں 38 سالہ عمران رضا، ان کی اہلیہ فوزیہ بہرام اور 14 سالہ بیٹا محسن رضا زخموں کی تاب نہ لاتے ہوئے دم توڑ گئے، جبکہ 9 سالہ تحسین فاطمہ، 12 سالہ علی رضا اور 15 سالہ سدرہ عمران زیر علاج ہیں۔
