بونیر میں گاڑی کھائی میں گرنے سے 4 افراد جاں بحق، 4 زخمی

بونیر،سواڑی سے پھلواڑی جانے والی مسافر گاڑی خوفناک حادثے کا شکار ہوگئی۔

ریسکیو حکام کے مطابق گاڑی بریک فیل ہونے کے باعث گہری کھائی میں جاگری جس کے نتیجے میں 4 افراد جاں بحق جبکہ 4 زخمی ہوگئے۔ جاں بحق ہونے والوں میں دو خواتین اور ایک بچہ بھی شامل ہے۔

حادثے کے بعد ریسکیو ٹیموں نے موقع پر پہنچ کر لاشوں اور زخمیوں کو نکالا اور ڈگر اسپتال منتقل کیا۔ زخمیوں کو طبی امداد دی جارہی ہے۔