نیشنل ڈیزاسٹر مینجمنٹ اتھارٹی (این ڈی ایم اے) نے سندھ کے مختلف علاقوں میں آئندہ 12 سے 24 گھنٹوں کے دوران شدید بارش اور ممکنہ سیلاب کی وارننگ جاری کر دی ہے۔
این ڈی ایم اے کے مطابق کراچی، ٹھٹھہ، سجاول، بدین، تھرپارکر، حیدرآباد، نوابشاہ، دادو، خیرپور، سکھر، گھوٹکی، لاڑکانہ، شکارپور، جیکب آباد اور کشمور کے اضلاع خاص طور پر متاثر ہو سکتے ہیں۔
این ڈی ایم اے نے بتایا ہے کہ یہ بارش کا سلسلہ اگلے 2 سے 3 دن تک جاری رہنے کا امکان ہے، جس کے باعث سندھ کے کئی علاقوں میں اچانک سیلاب آ سکتا ہے۔ خاص طور پر کراچی، حیدرآباد اور دیگر ساحلی علاقوں میں، جہاں نکاسی کا نظام ناقص ہے اور نشیبی علاقے واقع ہیں، سیلاب کا خطرہ بڑھ جاتا ہے۔
شہریوں سے درخواست کی گئی ہے کہ وہ نشیبی اور سیلابی علاقوں سے دور رہیں، اپنی جگہوں کی نکاسی آب کو یقینی بنائیں اور بجلی کے کھمبوں سے محتاط رہیں تاکہ کسی بھی حادثے سے بچا جا سکے۔
ملک بھر میں شدید بارشیں، خیبرپختونخوا میں 358 اموات، تعلیمی ادارے بند
این ڈی ایم اے نے مزید کہا ہے کہ شہری اپنی حفاظت کے لیے ڈیزاسٹر الرٹ ایپ استعمال کریں تاکہ تازہ ترین معلومات بروقت ملتی رہیں۔
یہ وارننگ حکام کی جانب سے عوام کی حفاظت کے لیے جاری کی گئی ہے تاکہ بارش اور سیلاب کے دوران ممکنہ نقصانات کو کم کیا جا سکے۔
