پاکستان تحریکِ انصاف (پی ٹی آئی) کے بانی کی بہن علیمہ خان نے سپریم کورٹ کے باہر میڈیا سے گفتگو کرتے ہوئے واضح کیا ہے کہ بانی پی ٹی آئی ضمنی انتخابات میں حصہ نہیں لیں گے۔
علیمہ خان نے بتایا کہ سپریم کورٹ نے 9 مئی کیسز کی سماعت کل تک ملتوی کر دی ہے۔ انہوں نے کہا کہ کوشش یہی تھی کہ ہائی کورٹ میں ان کیسز کی سماعت ہو تاکہ جلد از جلد انصاف مل سکے۔ علیمہ خان نے مزید کہا کہ بانی پی ٹی آئی نے اپنی تحریک کو حقیقی آزادی تک جاری رکھنے کا فیصلہ کیا ہے۔
دوسری جانب انسداد دہشت گردی عدالت راولپنڈی میں 26 نومبر کے احتجاج کیس کی سماعت ہوئی، جس میں چار ملزمان کو 4، 4 ماہ قید کی سزا سنائی گئی ہے۔ ملزمان نے عدالت میں اپنے اقبالی بیانات جمع کرائے، جن میں بتایا کہ لیڈرشپ کے اکسانے پر وہ پرتشدد احتجاج میں شامل ہوئے۔ ملزمان نے عدالت سے درخواست کی ہے کہ وہ غریب مزدور ہیں اور ان کی سزاؤں میں نظرثانی کی جائے۔
عمران خان کو جیل میں رکھنے میں پی ٹی آئی قیادت کامیاب، اقتدار کے مزے لوٹ رہی ہے: فیصل واوڈا
یہ مقدمہ تھانہ انجرا، ضلع اٹک میں جلاؤ گھیراؤ کے الزام میں درج کیا گیا تھا۔
