اسحاق ڈار اور برطانوی سیکرٹری خارجہ کا ٹیلیفونک رابطہ

اسلام آباد، نائب وزیراعظم و وزیر خارجہ اسحاق ڈار اور برطانوی سیکرٹری خارجہ ڈیوڈ لیمی کے درمیان ٹیلیفونک رابطہ ہوا۔

ترجمان دفتر خارجہ کے مطابق ڈیوڈ لیمی نے پاکستان میں حالیہ سیلاب سے جانی نقصان پر گہرے دکھ اور افسوس کا اظہار کیا اور مشکل وقت میں پاکستان کے ساتھ یکجہتی کا یقین دلایا۔

برطانوی سیکرٹری خارجہ نے اسحاق ڈار کے آئندہ دورۂ لندن اور اس دوران ہونے والی ملاقاتوں کے لیے نیک خواہشات کا بھی اظہار کیا۔

ترجمان نے مزید بتایا کہ نائب وزیراعظم اسحاق ڈار نے برطانیہ کی یکجہتی اور امدادی پیشکش پر **اظہارِ تشکر** کیا اور برطانوی قیادت کے ساتھ تعاون جاری رکھنے کے عزم کا اعادہ کیا۔