20
بھارتی ریاست بہار میں آسمانی بجلی گرنے سے کئی افراد ہلاک ہوگئے۔
بھارتی ریاست بہار کے مختلف اضلاع میں ژالہ باری اور آسمانی بجلی گرنے کی وجہ سے تقریباً 25 افراد کی ہلاکت کی تصدیق ہوچکی ہے۔
ہلاکتوں کی تفصیلات بتاتے ہوئے وزیر اعلیٰ بہار نتیش کمار نے بتایا کہ ضلع نالندہ میں 18 اموات ہوئی ہیں جبکہ ضلع سیوان میں دو، دربھنگہ، کٹیہار، بیگوسرائے، بھاگلپور اور جہان آباد میں ایک ایک اموات رپورٹ ہوئیں ہیں۔
وزیر اعلیٰ بہار نے مرنے والوں کے لواحقین سے اظہار افسوس کرتے ہوئے فی کس چار لاکھ روپے مالی مدد کا اعلان بھی کیا ہے۔
دوسری جانب ریاست کے مختلف اضلاع میں اورنج الرٹ جاری کردیا گیا ہے۔
بھارت کی محکمہ موسمیات کی پیش گوئی کے مطابق آج اور کل بھی تیز بارش کا امکان ہے جبکہ مخلتف اضلاع میں گرج چمک کے ساتھ 40 سے 50 کلو میٹر فی گھنٹہ کی رفتار سے ہوائیں بھی چل سکتی ہیں
