پشاور، مسلم لیگ ن کے رہنما کیپٹن (ر) صفدر کا کہنا ہے کہ بہت جلد قائد مسلم لیگ ن خیبرپختونخوا سے سیاسی مہم کا آغاز کرنے والے ہیں، قائد ن لیگ سوات اور دیگر علاقوں کا دورہ کرینگے۔
تقریب سے خطاب کے دوران مسلم لیگ ن کے رہنما کیپٹن ریٹائرڈ صفدر نے کہا کہ ملک ترقی کر رہا ہے، یہ پانچ سال ملے تو اگلے پانچ سال ضرور ملیں گے۔
کیپٹن صفدر نے کہا کہ مریم نواز کو کہتا ہوں وہ ایک ہفتہ اس صوبے کو بھی دیں، اگر وہ نہیں آتیں تو خیبرپختونخوا کے وزیر اعلیٰ کو تھوڑی تربیت دیں۔
کیپٹن ریٹائرڈ صفدر کا کہنا ہے کہ خیبرپختونخوا کا انتہائی برا حال ہوگیا ہے، خیبرپختونخوا کا حال تورابورا سے زیادہ مختلف نہیں ہے۔
ن لیگی رہنما کا کہنا ہے کہ باقی صوبوں کے مقابلے میں خیبرپختونخوا بہت پیچھے رہ گیا ہے، ہم خیبرپختونخوا کو آگے لے کر جانا چاہتے ہیں۔
کیپٹن صفدر نے کہا کہ پنجاب اور وفاق ترقی کر رہا ہے، ڈالر اور پٹرول کی قیمتیں رک گئی ہیں، خیبرپختونخوا حکومت کا ایک ہی کام ہے، گاڑیاں بھرو اور ڈی چوک چلو۔
دوسری جانب بانی پی ٹی آئی و سابق وزیراعظم عمران خان نے وزیراعلیٰ علی امین گنڈاپور کو پارٹی کی صوبائی صدارت سے ہٹادیا۔
