145
صدر مسلم لیگ (ق) چودھری شجاعت حسین کا کہنا تھا کہ امریکا کی نئی قیادت کی پاکستان کے امور میں مداخلت کے بارے افواہیں بے بنیاد ہیں۔
صدر مسلم لیگ (ق) چودھری شجاعت سے چین کے سرمایہ کاروں کے وفد کی جانب سے سکارلٹ ژیانگ کی سربراہی میں ان کی رہائش گاہ پر ملاقات کی گئی۔
ملاقات میں شجاعت حسین کا کہنا تھا کہ امریکا کی اپنی پالیسیاں ہیں، وہ ہمارے معاملات میں مداخلت نہیں کرے گا۔
چین بھی اس متعلق واضح موقف رکھتا ہے، چین اور پاکستان کے مابین گہرے دوستانہ مراسم اور تجارتی تعلقات قائم ہیں۔
ملاقات میں صوبائی وزیر چودھری شافع حسین بھی موجود تھے، ملاقات میں امریکا میں ہونیوالے انتخابات، نتائج، چین کی پالیسی اور دیگر امور پر بھی بات چیت ہوئی۔
چودھری شجاعت حسین کا کہنا تھا کہ چین اور پاکستان کے درمیان گہرے دوستانہ مراسم اور تجارتی تعلقات ہیں، پاکستان اور چین کے درمیان اقتصادی تعاون بڑھایا جائے گا۔
