نیویارک کے میئر ظہران ممدانی نے امریکی ریاست کیلیفورنیا کے شہر سان ڈیاگو میں اسلامی مرکز پر فائرنگ کے واقعے پر شدید ردعمل دیتے ہوئے کہا ہے کہ اسلاموفوبیا پورے امریکا میں مسلم کمیونٹی کیلئے خطرہ بنتا جا رہا ہے۔
غیر ملکی میڈیا کے مطابق سان ڈیاگو کے اسلامی مرکز میں فائرنگ کے واقعے میں تین افراد جاں بحق ہوئے، جبکہ حملہ آوروں نے بعد ازاں خودکشی کرلی۔ پولیس نے واقعے کو نفرت پر مبنی جرم قرار دیتے ہوئے تحقیقات شروع کر دی ہیں۔
رپورٹس کے مطابق مشتبہ حملہ آوروں نے فائرنگ سے قبل مختلف تحریری مواد میں نسلی برتری کے خیالات کا اظہار کیا اور ہتھیار اپنے اہل خانہ کے گھر سے حاصل کیے۔
او آئی سی اجلاس: فلسطین، کشمیر اور اسلاموفوبیا پر دوٹوک مؤقف
ظہران ممدانی نے کہا کہ اس طرح کے واقعات اس بات کا ثبوت ہیں کہ اسلاموفوبیا ایک حقیقی اور بڑھتا ہوا خطرہ ہے، جس کا مقابلہ اجتماعی طور پر کرنا ہوگا۔ انہوں نے امریکی شہریوں پر زور دیا کہ وہ نفرت اور خوف کی سیاست کے خلاف متحد ہو کر کھڑے ہوں۔
