ڈارون: آسٹریلیا نے بنگلادیش کے خلاف ڈارون میں شروع ہونے والے پہلے ٹیسٹ میچ کے لیے اپنی پلیئنگ الیون کا اعلان کر دیا۔
آسٹریلوی کپتان پیٹ کمنز نے میچ سے ایک روز قبل ٹیم کی تصدیق کرتے ہوئے بتایا کہ تجربہ کار فاسٹ بولر جوش ہیزل ووڈ کو اسکاٹ بولینڈ پر ترجیح دی گئی ہے۔
جوش ہیزل ووڈ گزشتہ سال اکتوبر کے بعد پہلی مرتبہ بین الاقوامی کرکٹ میں واپسی کریں گے، جبکہ کپتان پیٹ کمنز اور تجربہ کار اسپنر نیتھن لیون بھی ٹیم میں واپس آئے ہیں۔
The big four are back for #AUSvBAN ❤️
Squad details: https://t.co/Z18ETew3Ow pic.twitter.com/oJzgyGADpR
— cricket.com.au (@cricketcomau) August 12, 2026
کمنز نے نیتھن لیون کی واپسی پر خوشی کا اظہار کرتے ہوئے کہا کہ انہوں نے گزشتہ چھ ماہ کے دوران سخت محنت کی اور بہترین فارم میں دکھائی دے رہے ہیں۔
بیٹنگ لائن اپ میں کیمرون گرین اور بیو ویبسٹر مڈل آرڈر میں ہوں گے، جبکہ ایلکس کیری چھٹے نمبر پر برقرار رہیں گے۔ جیک ویدرالڈ، ٹریوس ہیڈ کے ساتھ اننگز کا آغاز کریں گے۔
بابر اعظم گھٹنے کی انجری کے باعث بنگلہ دیش کے خلاف پہلے ٹیسٹ سے باہر
دوسری جانب بنگلادیش نے تاحال اپنی حتمی پلیئنگ الیون کا اعلان نہیں کیا، تاہم کپتان نجم الحسن شانتو نے لٹن داس کی فٹنس کی تصدیق کردی ہے۔
واضح رہے کہ ڈارون میں 22 سال بعد ٹیسٹ کرکٹ کی واپسی بھی اسی میچ سے ہوگی۔
