اسلام آباد: فیڈرل بورڈ آف ریونیو (ایف بی آر) نے واضح کیا ہے کہ آئندہ مالی سال کے بجٹ میں سولر پینلز پر کسی نئے ٹیکس یا اضافی ڈیوٹی کی تجویز شامل نہیں کی گئی، جبکہ سوشل میڈیا پلیٹ فارمز سے حاصل ہونے والی آمدن پر 5 فیصد ودہولڈنگ ٹیکس نافذ کرنے کا فیصلہ کیا گیا ہے۔
پوسٹ بجٹ ٹیکنیکل بریفنگ کے دوران ایف بی آر کے ممبر عتیق سرور نے بتایا کہ حکومت نے کم مالیت کی الیکٹرک گاڑیوں کے لیے ٹیکس استثنیٰ برقرار رکھنے کی تجویز دی ہے تاکہ ماحول دوست ٹرانسپورٹ کے فروغ کی حوصلہ افزائی کی جا سکے۔
انہوں نے کہا کہ بین الاقوامی مالیاتی فنڈ (آئی ایم ایف) نے رواں مالی سال کے دوران انفورسمنٹ اقدامات کے ذریعے 389 ارب روپے اضافی ٹیکس وصولی کا ہدف مقرر کیا تھا، تاہم ایف بی آر اس ہدف سے بھی زیادہ محصولات اکٹھا کرنے میں کامیاب رہا ہے۔
پیٹرولیم مصنوعات کی قیمتوں میں کمی، عوام کو جزوی ریلیف مل گیا
عتیق سرور کے مطابق محصولات میں اضافے اور ٹیکس نظام کو مزید مؤثر بنانے کے لیے مختلف اصلاحاتی اقدامات جاری ہیں، جن کے مثبت نتائج سامنے آ رہے ہیں۔
