لاہور کے علاقے ہنجروال میں کھلے مین ہول میں گرنے سے 7 سالہ بچہ جاں بحق ہوگیا، افسوسناک واقعے پر اہل علاقہ میں تشویش پائی جاتی ہے۔
ریسکیو حکام کے مطابق بچہ گلی میں کم روشنی کے باعث کھلے مین ہول کو نہ دیکھ سکا اور اس میں جاگرا۔ حادثے کے بعد ریسکیو ٹیم نے بچے کو نکال کر اسپتال منتقل کیا، تاہم وہ جانبر نہ ہوسکا۔
علاقہ مکینوں کا کہنا ہے کہ صفائی کے لیے مین ہول کے ڈھکن ہٹائے گئے تھے اور انہیں دوبارہ نہیں لگایا گیا، جس کے باعث یہ افسوسناک حادثہ پیش آیا۔
دوسری جانب واسا حکام نے مؤقف اختیار کیا ہے کہ مذکورہ علاقہ واسا لاہور کے دائرہ کار میں شامل نہیں۔ حکام کے مطابق مقامی افراد نے نجی مزدوروں سے کام کروایا تھا، جو مین ہول کھلا چھوڑ کر چلے گئے۔
صادق آباد میں کھلے مین ہول میں گر کر 16 سالہ ذہنی معذور لڑکی جاں بحق، غفلت پر بلدیہ اہلکار معطل
واقعے کے بعد علاقے میں حفاظتی انتظامات اور کھلے مین ہولز کے حوالے سے سوالات اٹھنے لگے ہیں، جبکہ ذمہ داری کے تعین کے لیے مزید تحقیقات کی جا رہی ہیں۔
