حکومت عوامی رابطے سے گریزاں ہے، جلسے امن اور اتحاد کا پیغام دیتے ہیں: مولانا فضل الرحمان

جمعیت علمائے اسلام (ف) کے سربراہ مولانا فضل الرحمان نے کہا ہے کہ حکمران جماعتوں میں عوام کے درمیان جانے کا اعتماد نہیں رہا، جبکہ عوامی اجتماعات قوم کے حوصلے اور اتحاد کی علامت ہوتے ہیں۔

راولپنڈی ڈویژن کے تنظیمی اجلاس سے خطاب کرتے ہوئے انہوں نے کہا کہ موجودہ امن و امان کی صورتحال میں عوامی اجتماعات امن پسند قوتوں کے لیے حوصلہ افزا ثابت ہوتے ہیں اور ان عناصر کو واضح پیغام دیتے ہیں جو ملک میں بدامنی پھیلانا چاہتے ہیں۔

کشمیر کے معاملے پر دانشمندانہ حکمت عملی اپنانا ہوگی، مولانا فضل الرحمان

مولانا فضل الرحمان نے مزید کہا کہ عوامی جلسے اور اجتماعات زندہ قوموں کی پہچان ہوتے ہیں، لیکن حکومتی جماعتیں عوامی ردعمل کے خوف سے کھلے عام عوام کا سامنا کرنے سے گریز کر رہی ہیں۔