118
آئینی ترمیم کے حوالے سے سب کی نظریں مولانا فضل الرحمن پر مرکوز ہو گئیں۔
آئینی ترمیم کے متعلق سب کی نظریں سربراہ جے یو آئی (ف) مولانا فضل الرحمن پر مرکوز ہو گئیں، حکومت اور اپوزیشن اتحاد نے مولانا فضل الرحمن سے حمایت کی درخواست کی ہے۔
گزشتہ روز اسحاق ڈار، اعظم نذیر تارڑ اور محسن نقوی پر مشتمل حکومتی وفد نے سربراہ جے یو آئی (ف) مولانا فضل الرحمن سے ملاقات کی، حکومتی وفد نے جے یو آئی سربراہ سے حمایت کی درخواست کی۔
دوسری جانب پی ٹی آئی کے وفد نے بھی مولانا فضل الرحمن سے ان کی رہائشگاہ پر ملاقات کی، تحریک انصاف کے وفد میں شبلی فراز، اسد قیصر، بیرسٹر گوہر، عمر ایوب اور حامد رضا شامل تھے۔
ذرائع کے مطابق تحریک انصاف کے وفد نے مولانا سے اپوزیشن اتحاد کو سپورٹ کرنے کی درخواست کی ہے، ملاقات میں حکومتی آئینی ترمیم کے مجوزہ مسودے کے نکات پر بات چیت کی گئی۔
