لاہور، وزیر اطلاعات پنجاب عظمیٰ بخاری کا کہنا تھا کہ خیبرپختونخوا ہاؤس اس وقت دہشتگردوں اور شرپسندوں کا اڈا بن چکا ہے۔
لاہور ہائیکورٹ میں پیشی کے موقع پر میڈیا سے گفتگو کرتے ہوئے عظمیٰ بخاری کا کہنا تھا کہ وزیراعلیٰ خیبرپختونخوا علی امین گنڈاپور دھمکیاں دیتے ہیں، وزیراعلیٰ کے پی کی جانب سے دہشت گردوں والی زبان استعمال کی گئی، ریاست کے خلاف ایسی زبان کسی صورت قابل قبول نہیں۔
صوبائی وزیراطلاعات نے کہا کہ ہم صوبوں کو لڑانا نہیں چاہتے، کے پی بھی ہمارا صوبہ ہے، پنجاب نے ہمیشہ بڑے بھائیوں کا کردار ادا کیا ہے۔
عظمی بخاری کا کہنا تھا کہ کے پی ہاؤس کو دہشتگردوں کا ٹھکانہ نہیں بننے دیں گے، کے پی ہاؤس کو چلانے والوں کو اپنی پوزیشن واضح کرنا ہوگی۔
عظمیٰ بخاری کا کہنا تھا کہ علی امین گنڈا پورغنڈہ، موالی والی زبان کا استعمال کر رہے ہیں، ایسی گفتگو سابق وزیراعظم عمران خان بھی کرتے تھے، پنجاب پولیس نشئیوں کے نشے بڑے اچھے طریقے سے اتارنا جانتی ہے۔
عظمی بخاری کا کہنا تھا کہ جلسے میں پنجاب سے جانے والوں کی تعداد بہت کم تھی، پنجاب میں ان کو جلسے کی ہرگز اجازت نہیں دیں گے، اگر یہ جلسے کی اجازت مانگیں گے تو اس مسئلے کو وزیراعلیٰ پنجاب خود دیکھیں گی۔
وزیر اطلاعات نے کہا کہ ان کو شرافت کی زبان سمجھ نہیں آتی، علی امین گنڈا پور نے ایسی بات پہلی دفعہ نہیں کی۔
