36
لاہور، انسداد دہشتگردی عدالت کی جانب سے تھانہ شادمان کو جلانے کے مقدمے میں شاہ محمود اور یاسمین راشد سمیت دیگر پر فرد جرم عائد کردی گئی۔
لاہور کی انسداد دہشتگردی عدالت نے 9 مئی کے روز بانی پی ٹی آئی عمران خان کی گرفتاری کے بعد تھانہ شادمان کو جلانے اور توڑ پھوڑ کے کیس کی سماعت کی جس میں عدالت نے پی ٹی آئی کے وائس چیئرمین شاہ محمود اور یاسمین راشد پر فرد جرم عائد کردی۔
دونوں ملزمان نے صحت جرم سے انکار کردیا، جس پر عدالت نے ملزمان کے خلاف سرکاری گواہان کو طلب کرلیا۔
عدالت کی جانب سے مقدمے کی مزید سماعت 19 دسمبر تک ملتوی کردی گئی۔
دوسری جانب توشہ خانہ ٹو کیس میں سابق وزیراعظم اور پاکستان تحریک انصاف (پی ٹی آئی) کے بانی چیئرمین اور ان کی اہلیہ بشریٰ بی بی پر فرد جرم عائد کردی گئی ہے۔
نجی ٹی وی چینل کے مطابق اڈیالہ جیل میں توشہ خانہ ٹو کیس کی سماعت ہوئی، اس موقع پر عمران خان کے علاوہ انکی اہلیہ بشریٰ بی بی بھی اڈیالہ جیل میں موجود تھیں۔
