لاہور، قومی اسمبلی میں اپوزیشن لیڈر عمر ایوب نے کہا کہ ایک چلتی ہوئی معیشت کو تباہ کیا، جس کا خمیازہ آج بھی بھگت رہے ہیں۔
لاہور میں میڈیا سے گفتگو کے دوران اپوزیشن لیڈر کا یہ کہنا تھا کہ پی ٹی آئی کی حکومت میں بہترین معیشت چل رہی تھی، سابق وزیراعظم عمران خان نے محمود اچکزئی کو سیاسی جماعتوں سے مذاکرات کرنے کا ٹاسک دیا ہوا ہے، اس کے علاوہ ہم نے کسی سے منت سماجت نہیں کی۔
عمر ایوب کا کہنا تھا کہ منتیں تو خواجہ آصف نے کیں، وہ روتے بھی تھے اور سابق وزیراعظم نواز شریف کی پلیٹ لیٹس جو گرتی تھیں تو وہ جھوٹی رپورٹس بناتے تھے اور غلط رپورٹس کابینہ کو پیش ہوتی تھیں۔
اپوزیشن لیڈر کا کہنا تھا کہ خواجہ آصف کی غلطی نہیں وہ کھسک گئے ہیں، خواجہ آصف سےانکی اپنی پارٹی کے لوگ تنگ ہیں، ہم صرف اللہ تعالیٰ سے معافی مانگتے ہیں، معافی وہ مانگتا ہے جس نے کوئی غلط کام کیا ہو ہم نے ایسا کچھ نہیں کیا۔
رہنما پی ٹی آئی کا یہ کہنا تھا کہ سابق وزیراعظم عمران خان کے حکم کے مطابق 8 ستمبر کو بھرپور جلسہ کریں گے۔
اپوزیشن لیڈر کا مزید یہ کہنا تھا کہ جنرل (ر) باجوہ، ن لیگ، پیپلز پارٹی اورایم کیو ایم نے معیشت کو زمین بوس کیا، ہمارے دور میں اربوں روپے ڈالر ریزرو تھے، چلتی پھرتی معیشت کو بربادی کے رستے پر گامزن کردیا، بیرون ملک کے لوگ پاکستان میں سرمایہ کاری کررہے تھے، لیکن آج ملک کا نوجوان پاسپورٹ کیلئے لائنوں میں لگا ہوا ہے۔
