112
ملک بھر میں یوٹیلٹی اسٹورز بند کرنے کا فیصلہ کرلیا گیا ہے۔
وفاقی حکومت کی جانب سے ملک بھر میں یوٹیلٹی اسٹورز بند کرنے کا فیصلہ کر لیا گیا ہے۔
یوٹیلٹی اسٹورز انتظامیہ کا کہنا ہے کہ وفاقی حکومت نے انتظامیہ کو 2 ہفتے کا وقت دیا ہے، یوٹیلٹی اسٹورز پر اشیاء پر سبسڈی پہلے ہی ختم کی جاچکی ہے، 11 ہزار سے زائد ملازمین میں مایوسی کی لہر دوڑ گئی ہے۔
یوٹیلٹی اسٹور کی انتظامیہ کا یہ کہنا ہے کہ ہمیں کمپنیوں سے لین دین کے معاملات نمٹانے کے لیے 2 ہفتے کا وقت دیا گیا ہے۔
انتظامیہ کا مزید یہ کہنا تھا کہ 6 ہزار پرمننٹ جبکہ دیگر ملازمین کنٹریکٹ اور ڈیلی ویجز پر ہیں۔
یاد رہے کہ یوٹیلٹی اسٹورز پر عوام کو کریانہ اسٹورز کے علاوہ اشیائے ضرورت پر حکومتی ریلیف ملتا ہے، لیکن آجکل عوام یوٹیلیٹی اسٹورز کو چھوڑ کر دوسری دکانوں سے ضرورت کا سامان خریدتے ہیں۔
