40
اے این ایف نے بھاری مقدار میں منشیات برآمد کر کے 4 ملزمان کو حراست میں لے لیا۔
کراچی، اینٹی نارکوٹکس فورس (اے این ایف) کی جانب سے مختلف 7 کارروائیوں میں بھاری مقدار میں منشیات برآمد کر کے 4 ملزمان کو گرفتار کر لیا گیا۔
ترجمان اے این ایف کا بتانا ہے کہ کارروائیاں پشاور، اسلام آباد، کراچی، چاغی، پسنی، حیدر آباد، اٹک میں کی گئیں۔
حکام کے مطابق کارروائی کے دوران 149.884 کلو گرام منشیات برآمد کی گئی، پکڑی گئی منشیات میں 90 کلو افیون، 48 کلو چرس، 11 کلو ہیروئن، 650 گرام آئس، 30 ہیروئن بھرے کیپسولز، 31 نشہ آور گولیاں شامل ہیں۔
ترجمان اے این ایف کا بتانا ہے کہ گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے۔
